13 sene müstemlekede – rus makemesi beş qırımtatarnı maküm etti

11 Yanvar 2023

Rostov-na-Donu şeerindeki (rusiye) mekeme, Hizb ut-Tahrir “Ekinci Aqmescit gruppası”nıñ iştirakçileri Servet Gaziev, Cemil Ğafarov, Alim Karimov, Seyran Murtazi ve Erfan Osmanovnı şiddetli rejimli müstemlekede 13 senege maküm etti.

Facebookta “Qırım birdemligi” içtimaiy birleşmesi bu aqqında haber berdi. 

– Baş makemeci Valeriy Opanasenko maznunlarnı qabaatlı tanıdı. Bütün siyasiy mabüslerni şiddetli şartlarda müstemlekede 13 senege maküm etti, – beyanatta yazıldı.

Qayd etildi ki, siyasiy mabüsler azat etilecek soñ 1 sene devamında, Servet Gaziev ve Alim Karimov ise 1 sene ve 6 ay devamında areket etmege sıñırlanacaq.

Üküm çıqarılğan soñ Alim Karimov bildirdi ki, böyle ükümlerden soñ “ülke Şimliy Koreyağa deñişe”. Bundan soñ o, oturış odasından çıqarıldı.

Bu davanıñ baqılması tahminen eki sene devam ete edi. Rus prokurorı 13t-13,5 senelik tevqifni talap ete edi. Siyasiy mabüslerge soñ sözlerini aytmağa imkân bermediler. Server Gaziev çatışmalarda çıqış yapamadı – qırımtatar tilinde laf etemege yasaqladılar, rus tilini ise deyerli bilmey.