Vaziyet deşetli – Çubarov rus sıñırını keçüv aqqında

28 Sentâbr 2022

rusiyeniñ, Ukrainna vatandaşlarınıñ – işğal etilgen Qırımnıñ sakinleriniñ ketmege tırışqanları farqlı ülkelernen sıñırlarındaki vaziyet deşetlidir. Meclisniñ başı Refta Çubarov bunı bildirdi.

– Gürcistannıñ Ukraina vatandaşlarına-vaqtınca işğal etilgen Qırımnıñ sakinlerine topraqlarına kirmege izin bermegeni içün rus-gürci sıñırındaki vaziyet eñ felâketlidir. Rus-gürci sıñırında Qırımdan onlarca aile sıñırını keçmege bekley, olarnıñ çoqusınıñ balaları da bar, – dep Çubarov qayd etti.

Onıñ sözlerine köre, rus-qazah sıñırınıñ rus tarafında şiddetli para baqşışları (bir maşna içün 2 biñden ziyade AQŞ dolları). 18 yaşına yetmegen balalarınen aileler er vaqıt maşnalarda yuqlaylar.

Latviya, Litvaniya, Lehistan migratsiya hızmetleri tarafından Ukraina vatandaşlarınıñ-vaqtınca işğal etilgen Qırımnıñ sakinleriniñ vesiqalarına talaplar da daa ciddiy oldı.

Meclisniñ başı añlattı ki, mezkür ülkelerniñ topraqlarına kirmege izin alamağan Ukraina vatandaşları-Qırımnıñ sakinleriniñ sayısı er bir saat arta. Belarus ve rf taraflarından Lehistan, Lavtiya, Litvaniya ve Estoniyanıñ sıñırlarında deşetli insan faciaları ola.

– Leh sıñırcıları tarafından Lehistannıñ topraqlarıan yiberilmegen ve rusiyege (Kaliningrad) keri qaytarılğan qırımtatar aileleriniñ biriniñ yetişken azalarını Rusiye TFH tarfından esip etilip terrorcılıqnen qabaatlandırıldı, – dep Çubarov qayd etti.

Acele tarzda al etilmeli olğan çoq aktual mesele de bar. Bu meseleler, bulunğanları ülekelerdeki konsul hızmetleriniñ Ukraina vatandaşlarına-vaqtınca işğal etilgen Qırımnın sakinlerine vesiqalarnı berüvinen; Ukraina vatandaşları-Qırımnıñ sakinleri içün yañı telükeler ve çatışmalarnıñ peyda oluvınen bağlı v.b.

– Yazıq ki, çet ülkelerdeki, ayrıca mezkür ülkelerdeki, Ukraina Elçilikleriniñ ve konsul müessiseleriniñ tek ğayretleri soñ derecede yeterli olmay. Ukraina Ükümeti ve Ukraina vatandaşları-Qırımnıñ sakinleriniñ ketkenleri devletlerniñ Ükümetleri seviyesinde acele ortaq qararları berilmeli, – dep Çubarov qayd etti.

Bütün bu künler boyunca 24 saat şeklinde rus ordusına mecburiy mobilizatsiyadan qaçınmaq maqsadınen sıñırnı acele tarzda keçmeli olğan biñlerce Ukraina vatandaşınen işdeşlik yapqan Qırımtatar Milliy Meclisiniñ Gumanitar meseleler koordinatsiya merkezi, Ukraina TİNniñ imayesinen Olğan vaziyetlerde peyda olğan çeşitli meselelerni çezmek ve kerekli qararlar acele tarzda bermek içün eyyetler arası gruppanı teşkil etmege çağıra.