Ukraina mudafaa naziri vazifesine Rustem Umerov namzetligine dair ariza

05 Sentâbr 2023

Qırımtatar Milliy Meclisiniñ Prezidiumınıñ 

Ukraina mudafaa naziri vazifesine Rustem Umerov namzetligine dair 

Arizası

Ukraina Qanunnamesiniñ 106. maddesine mücibi Ukraina Prezidenti Volodımır Zelenskıy, Ukraina Yuqarı Şurasına Ukraina mudafaa naziri vazifesine Rustem UMEROV namzetligini berdi.

Vatanı olağn Qırım 2014 senesinden berli rus işğali astında bulunğan Rustem UMEROV, tamır qırımtatar halqınıñ vekillerinden biridir. O, qırımtatar halqınıñ sürgünlik yerinde doğdı, amma Qırımda östi, mustaqil Ukraina devleti şartlarında yüksek tasil aldı ve ihtisaiy faalietini başlattı.

Rustem UMEROVnıñ ihtisasiy ve siyasiy faaliyetiniñ bütün basamaqları ve muvafaqiyetli neticeleri, onıñ insan keyfiyetleri ve printsipleri, bizge Ukraina Prezidenyti Volodımır Zelenskıynıñ teklifini destek etmege ve Ukraina halq mebuslarını Rustem UMEROVnı Ukraina mudaaf naziri vazifesine tayin etüv aqqında qarar bermege çağırmağa imkâñ bereler.

Qırımtatar Milliy Meclisi, rus tecavuzını yoq etmek ve haqlara olaraq tanınğan sıñırları çerçivesinde Ukrainanıñ topraq bütünligini qaytarmaq maqsadınen ukrain cemaatınıñ ve haqlara cemaatnıñ birleşmelerine yönelgen bütün tedbirlerni keçirmege devam etecek.

Qırımtatar Milliy Meclisi, Ukraina devletiniñ topraq bütünligini qorçalağanda cesareti ve qaramanlığı içün Ukraina Silâlı Quvetleri, Ukraina mudafaa quvetleriniñ başqa şekillenmelerine teşekkür bildire.

Ukrainağa şan-şerefler olsun!

Qırımtatar Milliy Meclisiniñ Başı Refat Çubarov

Kıyiv ş., 2023 senesi berim ayınıñ 05-i