Taqiqatçı izolâtorında siyasiy mabüs Ğafarovnıñ qalp hastalığı bar

08 Noyabr 2022

Taqiqatçı izolâtorında 60 yaşındaki Kremlniñ saiyasiy mabüsi Cemil Ğafarov qalp krizini keçirdi.

“Qırım birdemligi” bu aqqında haber berdi.

– 60 yaşındaki Kremlniñ saiyasiy mabüsi Cemil Ğafarov qalp krizini keçirdi. Noyabr ayınıñ 7-sinde Cenübiy bölge arbiy makemesinde dava baqılması vaqtında qırımlı faalci, özüni yaramay duyğanı aqqında haber berdi, – dep beyanatta yazıldı.

Oktâbr ayınıñ 27-sinde Ğafarovnıñ sağılığı yaramaylaştı. O zaman advokatlarnıñ kelmegenleri içün dava baqılması keçirildi. Siyasiy mabüsler taqiqatçı izolâtorına ketirilgen soñ Ğafarov qalp krizini keçirdi.

Siyasiy mabüsniñ sözlerine köre, dört kün devamından yataqtan qalamadı. O daa yavaş çalışmağa başladı, uzun vaqıtlı oturışlrdan soñ onıñ tedaviylemege ihtiyacı bar. Bunıñ içün adam mekemege dava oturışlarınıñ vaqtını qısqartmağa rica etti. Makemeci bildirdi ki, “maznunnıñ sağlıq alına köre, meseleler er vaqıt şahsen al eilecekler”.

Cemil Ğafarov, muddetsiz saqatlıqnıñ ekinci gruppasına kirsetildi.

Haber berilgenine köre, 2019 senesi mart ayınıñ 27-sinden berli taqiqatçı izolâtorında sanki terrorcılıq sebebinden buluna. O, rfnıñ yasaqlağanı “Hizb ut-Tahrir” fırqasında iştiraki içün qabaatlana. Ğafarov 10-20 senelik serbestten marum etile bilir.