“Sustılar”, – Çubarov Qırımdaki ruslar aqqında

01 Noyabr 2023

Ruslarnıñ işğal etkeni Qırımğa qanunsız olaraq ketken rf vatandaşları, yarımadadan kütleviy olaraq qaçmağa başlamadılar. Faqat tecavuzcınıñ zapt etkeni ukrain toprağındaki taşınılmaz mülkni almaq istegi de yoq, dep “Mı-Ukraina”nıñ canlı yayınında Qırımtatar Milliy Meclisiniñ başı Refat Çubarov bunı añlattı.

“Bilesiñizdir, telâşlı şekilde qaçmaylar, amma bunı bekleycekmiz. Olar sustılar, çünki bir taraftan Qırımda er kes añlay ki, Qırım işğalden mıtlaqa azat etilecek, amma işğal memuriyetleriniñ bergenleri sözlerge ümüdi bardır. Bizim içün müim ki, taşınılmaz mülk alınmaz. Demek ki, yañı kelgen rusiye vatandaşları, Qırımda mesken ya da başqa mülk almağa qarar bermeyler, olar anda yaşap oturmaylar. Şimdi men tüşünem ki, bir qaç fevqulâde arbiy vaqia olur-olmaz, misal içün Keriç köprü ya da başqa ciddiy obyektler ücüm etilir-etilmez, ruslarnıñ Qırımdan qaçuv ceryanı birden körünir”, – dep qayd etti o.