Ruslar siyasiy mabüs Riza Ömerovnı Çuvaşıstanğa etap ettiler

16 Iyül 2024

“Hizb ut-Tahrir davası” çerçivesinde maküm etilgen qırımtatar Riza Ömerovnı Rusiye Federatsiyasınıñ Çuvaş Cumhuriyetindeki Sivilsk şeeriniñ müstemlekesine etap ettiler. O, 13 senege üküm etildi. Daa evel siyasiy mabüs, Krasnoyarsk vilâyetiniñ Minusinskiy şeerinde buluna edi.

“Qırım birdemligine” onıñ apayı Sevilâ Ömerova bunı bildirdi.

Aqayı oña apishanede “Zontalekom” vastasınen ilk sefer telefon etti.

“Altı aydan soñ Rizanıñ sesini eşittim. İlk qış ayından berli telefonımızğa bir şey kelmedi. Birinciden, balalarımıznıñ sağlığı aqqında soradı, ana-babalarınıñ sağlığı aqqında, menim sağlığım aqqında. O pek qasevetlene. Er kes, cemaatnı selâmladı ve tezce qaytıp, er kesnen körüşmege ümüt ete”, – dep Sevilâ Ömerova ayttı.

2019 senesi bozarğan aynıñ 10. künü Ayder Capar, Enver Ömerov ve onıñ oğlu Riza tutuldı. 2021 senesi qara qış ayında Rostov-na-Donudaki Cenübiy bmlgeniñ arbiy makemesi Enver Ömerovnı Hizb ut-Tahrir terror teşkilâtınıñ teşkil etilmesinde, Riza ve Ayderni iştirak etmesinde qabaatladı. Enver Ömerov 18 senege ve Riza Ömerov 13 senege üküm etildi. Ekisi de cezasınıñ birinci üç senesini apishanede keçirecek ediler.