Ruslar jurnalist Lütfiye Zudiyevağa berilgen para cezasını lâğu ettiler
![Ruslar jurnalist Lütfiye Zudiyevağa berilgen para cezasını lâğu ettiler](https://qtmm.org/wp-content/uploads/2024/02/na-pravozashhitnicu-i-zhurnalistku-lutfie-zudievu-vozbudili-dva-administrativnyx-dela-5207.jpeg)
Krasnodardaki umumiy dörtünci kassatsiya makemesi, jurnalist Lütfiye Zudiyevağa berilgen 2500 ruble (tahminen 1180 grivna) para cezasını lâğu etti. “Gratı” bu aqqında haber berdi.
Kiçik aynıñ soñunda polis hadimleri Canköyde evinde tintüvden soñ qırımtatar uquq qorçalayıcısını tuttı. İşğalciler kompyuter, telefon, USB diskleri, video qaydı ve bir qaç uquq qoruyıcı metinlerini alıp kettiler. Zudiyeva Aqmescitteki polis bölügine alıp ketirildi, anda onıñ Facebook saifesindeki yazılar içün eki memuriy protokol tizildi.
Olardan ekisinde o, “Radio Svoboda” neşirini añdı ve muarririyetniñ Rusiyede çetel agenti olaraq tanılğanını aytmadı.
Lütfiye Zudiyevanıñ 2022 senesi yazda derc etkeni metinde Qırımdaki advokatlarnıñ taqip etilüvi aqqında söz yürsetile ve Belarusiyedeki advokatlarnıñ taqip etilüvinen beñzer vaziyet aqqında aytıla.
2022 senesi kiçik ayda jurnalist, “Radio Svoboda” ukrain muarririyetiniñ serbest çalışqan jurnalisti Vladıslav Yesıpenkoğa berilgen üküm aqqında “Grâti metinini repost etti.