Rus quvetçileri “Qırım” gazetasınıñ muarririyetini tinttiler

17 Mayıs 2024

Qırımda rus quvetçileri, “Qırım” gazetasınıñ baş muarriri Bekir Mamutov ve teşkilcisi Seyran İbrahimovnıñ evilerini tinttiler. Qırım.Aqiqat bu aqqında haber berdi.

Şahsiy evlerni tintken soñ rus polisiniñ işçileri, gazetasınıñ muarririyetine kettiler. Uquq yardım etmesi içün advokat Edem Semedlâevni muarririyetke yibermediler. Jurnalistlerni rus Aşırıcılıqqa qarşı merkezniñ binasına alıp ketirdiler.

«Qırım» gazetasınıñ baş muarriri eki memuriy maddege binaen qabaatlana – RF Memuriy bozmalar qanunnamesiniñ 20.3.3. maddesiniñ 1. qımsı (RF ordusını “itibardan tüşürüv”) ve RF MBQniñ 13.15. maddesi (Sahte haberlerni cemaat içün müim olğan malümat olaraq bildirüv).

1989 senesi oraq ayından berli “Qırım” gazetası qırımtatar tiline basılmaqta ve qırımtatarlar Qırımğa qaytqan soñ bu tilde basılmağa başlanğan ilk gazetalardan biridir.