Rus makemesi Leniye Umerovanı kelecek senege qadar tevqif etti

27 Noyabr 2023

2024 senesi qara qış ayınıñ 5-ine qadar RF appelâtsiyta “makemesi”, rus-gürci sıñırında qanunsız olaraq tutulğan Ukraina vatandaşı ve qırımtatar Leniye Umerovanı SİZOda qaldırdı. 

Qırım uquq qoçrlayıcı gruppası bu aqqında haber berdi, dep Ukrinform bildirdi.

“Moskva şeer makemesi, taqiqatnıñ teklifini destek etip, Lefortovo makemesiniñ qararını tasdıqladı, böylece 2024 senesi qara qış ayınıñ 5-ine qadar Leniye Umerova SİZOda qalacaq”, – dep bildirildi.

Yaqınlarınıñ añlatqanlarına köre Leniye Umerovanı yañı kamerağa oturttılar, şimdi o qomsunen otura. 

2022 senesi ilk qış ayınıñ 4-ünde Leniye Umerova gürci-rus sıñırını keçkende rus quvetçileri onı tuttılar. Rus makemesi, onı qabaatlı tanıdı ve oña eki biñ ruble para cezasını berdi. O sanki “devlet sıñırınıñ rejimini bozdı” (Rusiye Federatsiyasınıñ Memuriy bozmalar qanunnamesiniñ 18. maddesiniñ 1. qısmı).