Qırımtatar milliy areketi teşkilâtı Merkeziy keñeşiniñ toplaşuvı ötkerildi

03 Mart 2014

Qırımtatar milliy areketi teşkilâtı Merkeziy keñeşiniñ toplaşuvında Rusiye qoşunlarınıñ silâlı basqısı sebebinden Qırımda meydanğa kelgen vaziyet muzakere etildi.

Qırımda fevral 27-den bugünge qadar yüz bergen vaqialarnı talil etken Milliy areket teşkilâtınıñ azaları Qırımda ükümetni zapt etmek ve Qırımnı ayırmaq areketi yapıldı, degen hulâsağa keldiler.

Teşkilâtnıñ merkeziy keñeşi Ukraina territorial bütünligi ve mustaqilligine qoltutaraq, Ukraina hududından Rusiye qoşunlarınıñ deral çıqarılması, Rusiye Qaradeñiz Flotunıñ yerleştirilmesi boyunca Harkov añlaşmasınıñ lâğv etilmesini talap etti, özüni özü tesis etken qanunsız Qırım ükümetiniñ areketlerini qaraladı ve Qırımnıñ bütün sakinlerini tınçlıqnı saqlamağa, milletlerara ve dinlerara barışıqqa çağırdı.