Qırımdaki siyasiy mabüslerni azat etmek içün Ukraina, üçünci ülkelerni celp etmege tırıştı – Ceppar

06 Oktâbr 2023

_{Foto: Radio.Svoboda}

Ukrain akimiyeti, Qırımdaki ukrain siyasiy mabüslerini azat etmege yardım etmek ricasınen bir qaç ülkege hitap etti, faqat bu ıntıluvlar muvafaqitelsiz edi. Qırım.Aqiqat mühbiriniñ sualine cevap etkende Ukraina Tış işleri naziriniñ muavini Emine Ceppar bunı bildirdi.

Kıyivde “Vladıslav Yesıpenko ve Rusiye tarafından epis etilgen başqa qırım jurnalistlerini nasıl qurtarmaq mümkün?” matbuat konferentsiyasında Ceppar añlattı ki, bu ceryanda bu ülkeler siyasiy olmağa istemeyler. Olardan bazılarınıñ azat etilmeleri içünn ukrain akimiyeti, epis etilgen vatandaşlar cedvelini berdi.

“Dos-doğru añlav bar: Rusiye Federatsiya ne reinelerni azat etecek, ne bizizm teklif etkenimiz er bir mehanizmni baqar. Onıñ (Rusiye – QA) Qırımdaki tevqiflernen bağlı açıq-aydın nazar noqtası bar – bu, rus pasportına saip olğan insanlar… bunıñ içün olar maküm etildi ve bütün dava basamaqlarını keçirecekler”, – dep Emine Ceppar cevap berdi.

Ukraina TİNniñ reberiniñ muavini qayd etti ki, Türkiyeni misal olaraq ketirip, müessise, başqa ülkelernen çalışmağa devam ete. Onıñ yardımınen bir qaç siyasiy mabüs azat etildi.