Qırımda rus repressiyaları devam ete – Bariiev

18 Oktâbr 2023

Qırım topraqlarında Rusiye Federatsiyasınıñ işğal akimiyeti, repressiyalarnı devam ete – insanlarnı tuta, sorara ve tevqif ete, evlerni tinte. FREEDOM telekanalınıñ canlı yayınında Qırımtatar Maaliy Merkeziniñ başı Eskender Bariiev bunı añlattı.

“2023 senesiniñ doquz ayı boyunca Qırımtatar Maaliy Merkezi qayd etti ki, 154 insan tutuldı, 165 insan soratıldı, 182 insan tevqif etildi, 57 ev tintildi, (olardan 122 bozma, qırımtatarlarğa qarşı), adliye makeme aqqı 226 kere, sağlıq aqqı 40 kere bozuldı, 57 insan etap etildi. Yani biz köremiz ki, repressiya ceryanı devam ete. Ve keçken senelerge köre bu devirde bozmalarnıñ sayısı çoq farqlanmaz. Demek ki, muntazam repressiya maşnası çalışır. Bu kösterdi ki, olar er bir tamır halqınıñ vekilini ve ukrain taraflı varandaşlarnı diversiyacı olaraq tanırlar. 2022 senesinden bugünge qadar böyle degen rus ordusını itibardan tüşürüv sebebinden 60 memuriy ceza ve 10 cinaiy ceza qayd etildi”, — dep ayttı o.

Yarımadadaki patlamalar da Qırım ealisiniñ keyfine tesir eter. İşğal akimiyeti, vatandaşlar arasında telâşnıñ doğurmamasının içün sahte ikâyeler ve aqlamalarnı tüşünip çıqarmağa mecbur ola, dep Bariiev qayd etti.

“Soñ 2,5 ay devamında Qırımda kerçekten patlamalar duyuldı, ve olar tamam maqsatlarğa iriştiler. Olar, Qırım topraqlarındaki Rusiye Federatsiyasınıñ bir qaç strategik ve arbiy obyektini yoq ettiler. Ruslar, patlamalarnı gizlemek içün bir qaç usul qullanırlar: olar, oquv keyfiyeti aqqında laf eteler, tuman divarlarını yaratalar, ayrıca Aqyar ve Keriçte aytalar ki, bu, Ekinci cian cenki devrinden qalğan ve planlaştırılğan silânı yoq etüvdir. Aytalar ki, olar, yoq etilmeli qaza bünyelerini patlatalar. Yani böylece olar, insanlarnı sakinleştirmege tırışalar, bu vaqialarnıñ ücümler olmağanını ve Rusiye Federatsiyasınıñ ava müdafaası sistemasınıñ semereler şekilde çalışqanını bildireler”, – dep mesleat berdi o.