Qırımda mektep ocasınıñ, rusiyeniñ ücümi aqqında ikâyesi sebebinden “qapusına qaqtılar”

06 October 2022

Aqmescit rayonıñ Ukromne köyüniñ sakini Olha, qırımtatar olğan mektep ocası Sayid Asanov aqqında politsiyağa añlattı. Qadın Asanovnıñ areketlerini Rusiyeni, ordusını ve “ana-baba ve talebelerniñ vatanperver duyğuları”nı yamanlağan olaraq saya.

Öz hitabında şunı yaza:

“Oktâbr ayınıñ 3-ünde Asanov Sayid Erfanovıç, “Ukromivska şkola” MBTMniñ riyaziyat ocası, 7. sınıfnıñ reberi sıñıf saatını alıp bere edi. Balalarnen subetiniñ mevzusı: Rusiye Ukrainağa ücüm etti, cenk başlattı, şimdi de adilâne yuttura. Asanov S.E. mobilizatsiyağa qarşı, Ukrainanı destek ete. Talebelerniñ bazı ailelerinde mobilizatsiya etilgenler bar. Balalar ve ana-babaları şoktalar, men de şoktam (qızım bu sıñıfta oquy ve bu sıñıf saatinde edi). Rus mektebinde beşinci sutun!”