Qırım platforması. Ukrainanıñ öz topraqlarından vazgeçüv teklifleri qabul etilmez — Celâl

12 Sentâbr 2024

Meclisniñ reisiniñ birinci muavini Nariman Celâl, Qırım platformasınıñ Dörtünci sammitinde, qırımtatar halqınıñ temsil organı, Ukraina barışıq formulası çerçivesinde aytılğanı kibi, Rusiye apishanelerinden bütün ukrain arbiy ve vatandaş esirleriniñ azat etilmesini talap ete, dep bildirdi.

• “On bir senedir Ukraina Rusiyeniñ istilâsına qarşı tura. Rusiyeniñ maqsadı asırlar devamında deñişmedi — mustaqil Ukraina devletini yoq etmege ve ukrain milletini esir almağa tırışa”, — dep Nariman Celâl bildirdi.

Meclisniñ reisiniñ muavini qoştı ki, Rusiyeniñ işğali başlağanından berli Ukrainanıñ topraq bütünligine qol tutuvda Ukrainanıñ tamır halqları eñ çoq birleşken edi, ve bu sebepten olar Rusiye işğalcileri tarafından eñ sert basqılarğa oğradılar.

• “Ukraina er kesden çoq añlayış ve barışıqnı istey, lâkin bu barışıq vicdan, topraq ve mustaqilliknen añlaşma yolunen elde etilmey”.

Meclisniñ azası Nariman Celâl Ukraina Prezidentine Ukraina tamır halqlarınıñ aqlarını ğayrıdan tiklev teşebbüslerine qol tutqanı içün minnetdarlığını bildirdi.

• “Qırımnıñ azat etilüvi ve reintegratsiyası tamır qırımtatar halqınıñ aqları, şu cümleden siyasiy aqlarınıñ ğayrıdan tiklenüvinen bağlı olmalı”, — dep hulâsa çıqardı o.