Qırım faalcisi Danılovıç, qalp krizini yaşağan eken

09 Oktâbr 2023

Tibbiy teşkerüv ve tibbiy vesiqalarnıñ neticelerine köre mustaqil ekspertiza kösterdi ki, rus apishanesinde sol qulağına eşitme qabiliyetini coyğan qırım içtimaiy jurnalisti ve siyasiy mabüsi İrına Danılovıçnıñ nevrologiya bozmaları ve baş miy yanğısı bar ve qalp krizini yaşağan.

Mustaqil mütehassıslarnıñ neticelerine köre ZMINA uquq qorçalayıcı teşkilâtı, bu aqqında haber berdi. Olar, işğal etilgen Qırımda imayeciler ve advokatlarnıñ yardımınen Kreml esirine yapılğan tibbiy teşkerüv ve vesiqalarnı talil ettiler. O, Rusiyedeki Stavropol kraynıñ Zelenokumsktaki müstemlekege etap etilgen soñ jurnalistniñ aqrabaları, maqbul vesiqalarnı ala bildiler.

Physicians for Human Rights uquq qorçalayıcı teşkilâtınıñ teklif etkeni tibbiyetçiler, epis etiklgeniñ tibbiy kartı, hastalar tarihı ve araştırmalarını ekspertiza ettiler. Amma şu anda tibbiy teşkerüvlerde qayd etilgen bilgilerniñ aqiqatlığını tasdıqlamaq mümkün degil.

Qulaq ekimi ve nevrolog ekiminiñ neticelerine köre, Danılovıçnıñ tek keskin otiti yoq, onıñ nevrolog bozmaları ve baş miy yanğısı da bar.

Keçken sene soñunda Rusiyeniñ kontrol etkeni Qırımdaki makeme, İrına Danılovıçnı yedi senege maküm etti. Bildirildi ki, Rusiye FSB, tibbiy inelernen patlatıcı aletni yapmaqta onı qabaatladı.