TİKAdan Ukrainadaki musulman cemiyetleri içün aşayt paketleri

11 March 2025

TİKA Türkiye işbirlik ve koordinatsiya agentligi er yıl Ramadan ayında Ukrainada musulman cemiyetlerine aşayt paketlerini azırlap bere.

“Bu ayda musulmanlar içün başqalarğa yardım etmek pek müimdir. İftar yapmaq ya da muhtaclarğa aş bermek, diniy areketlerniñ bir şekli olaraq sayıla. Şunıñ içün TİKA, Türkiye Cumhuriyetiniñ devlet agentligi olaraq, böyle aktsiyanı er yıl keçire”, – dep Qırımtatar Milliy Meclisiniñ reisi Refat Çubarov tarif etti.

Bu senelik 19 kilogramm ağırlığında olğan ilk ihtiyac aşayt paketleri şeklinde yardım qırımtatar cemiyeti, gagauz teşkilâtları ve meshetin türkleri, em de Poltava ve Odesa musulman cemiyetlerine berilecek.

Qırımtatarlarğa yardımnıñ tarqatılmasını Qırım Muhtar Cumhuriyeti musulmanları diniy idaresi ve Qırımtatar Milliy Meclisi idare etecek.

Keçken sene TİKA aşayt paketlerini devley içinde alınğan kişilerniñ tahminen biñ qorantası aldı, olarnıñ arasında qırımtatarlar, gagauzlar ve türk-meshetinler, em de 2022 senesi Rusiye istilâsınıñ ilk aylarında büyük zarar körgen Kıyiv vilâyetiniñ Buça rayonınıñ sakinleri bar edi.