Çetel diplomatik missiyalarınıñ vekilleri Qırım siyasiy mabüslerine mektüpler yazdılar

27 February 2025

Avropa Birligi, Avstriya, Bulğaristan, Kanada, Çehiya Cumhuriyeti, Frenkistan, Poloniya, Sloveniya, İsveçiya ve Büyük Britaniyanıñ Ukrainadaki elçihaneleriniñ vekilleri, Rusiye tarafından qanunsız olaraq apiske alınğan işğal fedalarına qol tutmaq içün Qırımn siyasiy mabüslerine mektüpler yazmaq teşebbüsinde iştirak ettiler.

“Qırım yarımadasını 11 yıldır zapt etken Rusiye tarafından qanunsız ve sahte qabaatlavlar esasında apiske alınğan 218 Qırım siyasiy mabüsi (bu cümleden 132-si – qırımtatar) bar. İşğal etilgen topraqlardaki vaziyet, esas insan aqlarınıñ devamlı ve sistematik bozuluvı, faalciler ve mustaqil jurnalistlerniñ taqip etilüvi, apiske alınuvı, hırsızlanması ve işkence etilüvi ve umumen vatandaş cemiyetine qarşı repressiyalarnen belgilene. Çehiya, siyasiy sebeplerden tutulğan ya da maküm etilgen bütün siyasiy mabüslerniñ azat etilmesini devamlı talap ete. Biz Ukrainanıñ suvereniteti ve topraq bütünligine qol tutamız, Qırım ve diger işğal etilgen topraqlarnıñ qanunsız işğalini tanımaymız”, – dep Çehiya Cumhuriyetiniñ Ukrainadaki Elçihanesi qayd etti.