İşğalciler Bağçasaraydaki Hansaraynıñ unikal eski resimlerini yoq ettiler

06 March 2025

Qırım hanlığı devirine ait tarihiy resimlerniñ bir qısmı Hansarayda yapılğan qurucılıq işleri vaqtında yoq etildi, işğalciler onı “restavratsiya” dep adlandırğanlar.

Saban ayınıñ 4-nde Qırım kütleviy haber vastalarında bu aqqında haber etildi.

Videodan körüne ki, bu, kiriş qullesi ve Büyük Han Camini Çürük Suv özeniniñ yanında birleştirgen Lâdiniy binanıñ divarlarıdır. Saraynıñ bu qısmı daa 2022 senesi tamir ağınen qapatıldı, çünki yapılğan qurucılıq işleri (yañı dam sebebinden büyük tesir ve özen boyu topraq işleri) sebebinden binanıñ köşesinde büyük bir çatlaq peyda oldı ve bina yıqıla başladı.

Rusiye nezaretindeki Qırım kütleviy haber vastaları, makeme mütehassısınıñ tefsirine binaen, qurucılar tarihiy qıymetli resimlerni yoq ettiler, çünki sanki “olar bu tek eski qaba sılav olğanını tüşündiler”. Bundan da ğayrı, qayd etildi ki, “saraynıñ üst qısmını adiy ressamlar tamir ettiler. Olarğa bütün eski örtüklerni temizlemege ayttılar. Onıñ içün qadimiy bir freska tapılğan vaqıt… onı yıqıp taşladılar”.

İşğalciler Hansaraynıñ barbar “restavratsiyası”nı daa 2016 senesi başladılar ve o vaqıttan berli qırımtatar saray mimarlığınıñ dünyada yekâne ve unikal nümünesiniñ aqiqiyligini yoq etip turalar.