Nariman Celâl “Ferhiy ambassador – 2024. Ğalebege ıntıluv” mukâfatını aldı

24 December 2024

İlk qış ayınıñ 23-nde Kıyivde Ukraina Tış işleri nazirliginiñ teşkil etkeni “Ferhiy ambassador – 2024. Ğalebege ıntıluv” tedbiri olıp keçti. Anda iqtisadiy, sport ve aş kibi ve diger saalarda Ukrainanıñ vekili olğan insanlarnı mukâfatlandırdılar.

“Ukrain diplomatiyasınıñ yüzü bar. Bu, Ukrainanıñ şahsiy saylavı ve eñ büyük qıymeti olğan insanlarnıñ yüzleridir. Missiyası bizim devletimiz ve bütün dünyada yaşağan insanlarımıznıñ menfaatını qorçalamaq olğan lâqaytsız insanlarnıñkiniñ”, – dep Ukraina Tış işleri naziri Andriy Sıbiğa tedbir aqqında yazdı.

Ukrainanıñ birinci hanımı Olena Zelenska, ihtisasiy diplomatiya saasında fahriy ambassador mukâfatını Qırımtatar Milliy Meclisiniñ reisiniñ birinci muavini ve Türkiyedeki yañı tayin etilgen Ukraina elçisi Nariman Celâlğa berdi.

“İhtisasiy jurnalist, o, Rusiye mahsus hızmetleriniñ devamlı qorquzuvlarına baqmadan, işğal etilgen Qırımda qalğan Meclis reberliginden tek adamdır. Ve atta Rusiye esirliginde qırımtatar halqınıñ basqısı aqqında şaatlıq etmege devam ete edi. Böyle dayanıqlılıqnı añmaq içün az mukâfat bar. Şunıñ içün bizim vazifemiz – ukrain studiyalarından ğayrı, bu sene bizim teşkil etkenimiz Global Koalitsiyadan ğayrı, dünyada Nariman beyniñ işini devam ettirecek ve işğal etilgen Qırım aqqında aqiqatnı dünyağa bildirecek qırımtatar studiyalarınıñ peyda olmasıdır. Farqlı memleketlerde Ukraina ve Qırımnıñ ihtisasiy ögrenüvi – bu diplomatiyanıñ daa bir çeşitidir, çünki imperiya nazar noqtası ve sahteliklerden boş olğan bizler aqqında kerçek malümat ketire”, – dep öz çıqışında ayttı.

Aynı zamanda Nariman Celâl mukâfatnı alğanda şunı dedi: “Böyle bir mukâfatnı elde etmek menim içün büyük sürpriz, amma büyük şereftir. Men azat etilgen soñ yarım yıl devamında men pek çoq memleketke barıp, pek çoq adamnen qonuşmağa mecbur oldım, Qırım, qırımtatarlar, Ukraina ve Rusiyege qarşı alıp barğan cenk aqqında tarif ete edim. Ukrainağa qol tutmağa ve siyasiy mabüslerni azat etmege çağıra edim. Men bunı öz işançım, mesuliyetlik duyğusı sebebinden, amma Ukraina teşkilâtları ve Tış işleri nazirliginiñ desteginen yapa edim. Bu arada, insanlarnıñ faalligini qayd etmek, olarnı devam ettirmek ve başqalarnı halq ve memleketke hızmet etmek içün teşviq etmek müimdir. Ve men bu içün minnetdarım”.

Foto: Facebook Оlena Zelenska