Meclisniñ Başınıñ Ukraina Anayasası kününe bağışlanğan hayırlavı

28 Iyün 2024

Ukraina Anayasası qayd etti ki, onıñ bütün topraqlarında, mevcut olğan sıñırı çerçivesinde olğan Ukrainanıñ suvereniteti bütün ve toqunılmaz. 

Böylece, onıñ halqara olaraq tanınğan sıñırları çerçivesinde, Qırım Muhtar Cumhuriyeti ve Aqyar şeerinen beraber Ukrainanıñ topraq bütünligini ğayrıdan tiklemek, Ukraina devletiniñ saqlanıluv ve kelecek meselesidir.

Lâkin mustaqil Ukraina devletiniñ kelecegi içün Qırımnıñ şimdiki statusını Ukrainanıñ terkibinde tamır qırımtatar halqınıñ kimlik şekli olaraq milliy-topraq muhtariyetine çevirmek pek müimdir.

Tek cenk bitecek soñ Ukraina Anayasasına deñişmelerni kirsetmek mümkün olacağına baqmadan, Qırımnıñ kelecek statusınen bağlı maqbul maddeler endi muzakere etildi. Böyleliknen, Ukraina devleti ve halqara cemiyet, öz topraqlarında – ukrain Qırımında – tamır qırımtatar halqınıñ saqlanıluvı ve inkişafınıñ kefili ola bilirler.

Ukraina Anayasası künü hayırlı olsun!

Ukraina Silâlı Quvetlerine şan-şerefler olsun!

Slava Ukraini!

Qırımtatar Milliy Meclisiniñ başı

Refat Çubarov

2024 senesi bozarğan aynıñ 28. künü

Kıyiv ş.