Marlen Mustafaev rusiyege etap etildi

20 Oktâbr 2023

17 senege maküm etilgen qırımtatar faalcisi Marlen Mustafaev, RFdaki Ulyanovsk vilâyetindeki apishanege etap etildi. Qırım.Aqiqat bu aqqında haber berdi.

“2023 senesi berim ayınıñ 22-sinde qırımtatar Marlen Mustafaevni Novoçerkasktaki (Rostov vilâyeti) SİZOdan alıp, Ulyanovsk vilâyetiniñ Dımıtrovhrad şeerindeki apishanege etap ettiler. Aqrabaları, onıñ bulunğanı yer bir ay soñ ögrendiler”, – dep bildirildi.

Rostov-na-Donudaki Cenübiy bölge arbiy makemesi, Qarasuvbazarlı qırımtatar faalcisi, “qırım musulmanları davası”nıñ iştirakçisi Marlen Mustafaevni 17 senege maküm etti. Mustafaevge, birinci 3 sene apishanede 17 senege şiddetli rejimli müstemlekege ve çıqacaq soñ 1 sene ve 6 aylıq sıñırlav müddetine maküm etildi