Kıyivde ukrain askeri Eskender Nimetullayev ölümden soñ mukâfatlandı
![Kıyivde ukrain askeri Eskender Nimetullayev ölümden soñ mukâfatlandı](https://qtmm.org/wp-content/uploads/2023/02/329099502_1339771316815909_895528714435085937_n.jpg)
Ukraina Milliy gvardiyasınıñ Şimaliy Kıyiv idaresi, ölgen üyken asker Eskender Nimetullayevniñ aqrablarına “III. dereceli cesaret içün” ordenni berüv merasimini keçirdi.
2023 senesi kiçik aynıñ 4-ünde Ukrainanıñ Şarqında rusiyenen cenkleşkende Ukraina Milliy gvardiyasınıñ üyken askeri Eskender Nimetullayev öldi.
2002 senesi berim ayınıñ 2-sinde Herson vilâyetiniñ Geniçesk rayonındaki Novooleksiyivka qasabasında Eskender Nimetullayev doğdı.
Qırımtatar adamı, Herson devlet deñiz akademiyasınıñ İhtisasiy-deñiz litseyinden mezun oldı.
2020 senesi ilk qış ayında Eskender Nimetullayevni Ukraina Milliy gvardiyasına hızmet etmege çağırdılar. Eskenderniñ hızmet etkeni bölük Luhansk vilâyetinde buluna edi.
2022 senesi mayıs ayında Ukraina Milliy gvardiyasınıñ reberiniñ emrinen Eskender, “Şanlı hızmet içün” ordeni – köküs üstündeki tamğanen mukâfatlandı. Qırımtatar Milliy Meclisi, askerniñ aqrabaları ve yaqınlarına: babası İsmayil, anası Anife, ağası Ayder, qız qardaşı Şevhiye, askerdeşleri, dostları, Geniçesk rayonındaki Novooleksiyivka qasabasınıñ sakinlerine taziye bildire.
![](https://qtmm.org/wp-content/uploads/2023/02/329012975_921817122163843_4539460226722461990_n-1.jpg)
![](https://qtmm.org/wp-content/uploads/2023/02/329924898_1439105376619861_2133955243506482063_n-1.jpg)