Keçken seneden Server Zekiryayevğa ailesinen körüşmege izin bermeyler

29 Yanvar 2024

Maküm etilgen “Hizb ut-Tahrir davası”nıñ ekinci Bağçasaray gruppasınıñ iştirakçisi Server Zekiryayev eki aydır Rusiyeniñ Tula vilâyetiniñ Donskıy şeerindeki 1. tüzetici müstemlekede kamera türlü odada tutalar ve ailesinen körüşmege izin bermeyler.

“Qırım birdemligi”ne tefsir etkende siyasiy mabüsniñ apayı Zarema Zekiryayeva bunı añlattı, dep Ukrinform haber berdi.

“Hizb ut-Tahrir davasında 13 senege maküm etilgen Qırımdan siyasiy mabüs, çoq balalı baba Server Zekiryayev eki aydır PKTde buluna ve ailesinen körüşmege izin bermeyler. Keçken sene boş aynıñ 26-sında RF Tula vilâyetiniñ Donske şerindeki müstemlekeniñ memuriyeti, qırımtatar adamını PKTge ketirmege qarar berdi”, – dep bildirildi.

Qayd etildi ki, 2023 senesi kiçik ayda bunı yapmağa başladılar. İşğal etilgen Qırımdan tek tevqif etilgen Zekiryayevniñ tutuv şartlarını zorlaştırıp turalar. 2023 senesi kiçik ayda o deyerli bir sene ŞİZOda (ceza izolâtorında), SUSta (şiddetli tutuv şartlarında) ve PKTde keçirdi.

Bundan ğayrı, ailesinen körüşmege uzun zamandır körüşmege izin bermeyler. 2022 senesi berim ayında Zekeryayeva öz aqayını soñ kere kördi. 

Müstemlekeniñ işçileri, maddesinen Kreml reinesine munasebetniñ şeddetligini isbatlaylar.

“Onıñ kamerasına kireler ve bozma yazıp qoyalar. Ciddiy bir cinayetçige kibi baqalar”, — dep apayı añlattı.

Tevqif etilmegen evel Zekiryayev beden tasili ocası olıp çalışqan ve çiçekçilik yapqan edi.

2020 senesi berim ayında Rostov-na-Domudaki Cenübiy bölge arbiy makemesi, “Hizb ut-Tahrir davası”nıñ ekinci Bağçasaray gruppasını maküm etti.