İşğal etilgen Qırımda Qarasuvbazar yapma gölünde suv seviyesi tüşe

28 Avgust 2023

^{Fotosuret: Qırım.Aqiqat}

İşğal etilgen Qırımda Tayğan yapma gölünde suv seviyesi çoq tüşken soñ eñ yaqın Qarasuvbazar yapma gölünde suv seviyesi de tüşti. Qırım.Aqiqat mühbiri bu aqqında haber berdi.

Yerli sakinleri bildirdiler ki, arman ayından berli er kün ava sıcaq olğanı, az yağmur yağğanı ve Şimaliy-Qırım kanalını suvnen toldurmaq içün yapma gölünden Büyük Qarasuv özenine suv yollağanı içün suv seviyesi körmek mümkün tarzda tüşe. Kahovka GESnıñ suv benti patlağan soñ o, suv teminatısız qaldı.

Keçenlerde Qırımnıñ rus başı Serhiy Aksönov bildirdi ki, mevcut olğan şartlarda “Salğır özeninde suv alıcı inşaatını qurma imkânı baqıla bilir”.

“Vernadskıy adına QFUniñ Qurucılıq ve mimarcılıq akademiyası” institutınıñ professorı, Suv teminatı, suv berüvi ve sanitar tenkina bölüginiñ reberi İllâ Nikolenko tüşüne ki, şimdiki şartlarda Qırımda suv yedegi bir senege yeterli. Mitehassısnıñ sözlerine köre, oraq ayında tibbiy aqımlı qırım yapma gölleriniñ umumiy tolduruv seviyesi 12 mln metrkubğa azladı ve 198 mln grn oldı.