İşğal etilgen Qırımda mobilizatsiyadan nasıl qaçınmaq mümkün: Ukraina Prezidentiniñ Qırım MCdeki Vekilliginiñ talimatı

23 September 2022

Ukraina Prezidentiniñ Qırımdaki Vekilligi rf ordusına böyle degen qısmiy mobilizatsiyanen bağlı Ukrainağa qarşı cenkte iştirak etmege istemegenler içün areketler talimatını yayınladı.

Areketler talimatı advokatlar ve uquq qorçalayıcılarnen beraber azırlandı.

– Deral aytacaqmız – yazıq ki, doğru olaraq işleycek bir ‘retsept’ yoq, faqat sizge yardım ete bilecek bir qaç tevsiye yayınlaymız. Ve er bir alda adımlarıñıznı ve telükeleriñizni er basamaqta yahşıca tüşünmelisiñiz, – Vekillikniñ arizasında yazıla.