Bundestagda Nariman Celâl ve Ahtemov ağalarınıñ rusiyege etap etilmelerini takbih ettiler
![Bundestagda Nariman Celâl ve Ahtemov ağalarınıñ rusiyege etap etilmelerini takbih ettiler](https://qtmm.org/wp-content/uploads/2023/10/382075289_340050521739640_5980796019570764950_n.jpg)
Almaniyadaki Bundestagnıñ vitse prezidenti Katrin Herinh-Ekkard, Qırımtatar Milliy Meclisiniñ başınıñ birinci muavini Nariman Celâlnıñ ve Ahtemov ağalarınıñ etap etilmelerini takbih etti, dep Qırım.Aqiqat bildirdi.
Ekim ayınıñ 2-sinde siyasiy mabüslerni Aqmescitteki 1. SİZOdan rusiyedeki apishanelerge ketirdiler.
“Bu, halqara uquqnıñ daa bir ciddiy bozulmasıdır. Nariman Celâl Rusiyege yollanacaq. Qırımtatarlarnıñ aqlarını qorçalağanı içün 17 sene apishanede (keçirecek – müar.)”, – dep X adlı içtimaiy ağda Herinh-Ekkard bildirdi.
Bundan evel belli oldı ki, ekim ayınıñ 2-sinde Qırımtatar Milliy Meclisiniñ başınıñ birinci muavini Nariman Celâl ve Ahtemov ağalarını Aqmescitteki 2. SİZOdan Rusiyedeki apishanelerge etap ettiler.