Almaniyada Alim Muratasalnıñ aqrabalarını qıdıralar

25 Yanvar 2023

59 sene evel qırımtatar Alim Muratasal vefat etti, Almaniyada onıñ soñ arzusını yerine ketirmeg isyetler.

“1+1” telekanalınıñ jurnalisti Maryana Hayduçık Qırımtatar Milliy Meclisine hitap etti. Almaniya FCniñ vatandaşlarınıñ, qırımtatarnıñ mirasçıları ya da aqrabalarını qıdırğanları belli oldı.

Birinci cian cenki vaqtında Almaniyada Alim Muratasal (Muradasal) esir etilgen edi. O zamanlardan berli adam, aqrabalarınen bağlantısını coyıp olarnı asla rastkemledi.

1878 senesi mayıs ayınıñ 27-sinde Qırımdaki Bohatır köyünde Alim Muratasal doğdı. Alim, oca olıp çalışqanını añlata edi. Ya içtimaiymi, ya da camidekimi çalışması belli olmay. 

Alim evli, onıñ oğlu ve qızı bar edi. Alimniñ oğlu – Abdul Rahman Muratasal Bohatır yanında (Yalta nahiyesi rayonında) yaşay edi. Alimniñ kiyevi – Abdul Cemil Saniev Kokközde yaşay edi. O yerge Fotisal yolunda poçta keçe edi. Biraz vaqıt keçken soñ Kokközniñ adı Sokolınege, Fotisalnıñ adı ise Holubınkağa deñiştirildi.

Alim ölgenine qadar (1964 senesi iyün ayınıñ 11-i) öz ailesini körmege hayal ete edi, faqat Soviet Birliginiñ o zamandaki siyaseti sebebinden bunı yapamadı. Alimniñ yaşağanı almanlar, onıñ soñ arzusını yerine ketirmege ve ailesini tapmağa isteyler.Buña bağlı malümatqa saip olsañız, lütfen Qırımtatar Milliy Meclisine hitap etiñiz ya da  097 575 55 14 telefon nomerası vastasınen jurnalist Maryana Hayduçıknen bağlanıñız.