Advokat Rustem Kâmilev 10 künlik tevqif cezasından soñ yiberildi

18 Noyabr 2024

_{Foto: Qırım birdemligi}

10 künlik qanunsız memuriy tevqiften soñ işğalciler uquqçı, uquq qorçalayıcı Rustem Kâmilevni azat ettiler. Onı qarşılamaq içün 400-den çoq semetdeş keldi.

— Er keske teşekkürlerimni bildirem. O vaqıt maña qoltutqan er keske bu qoltutuvnı berdim. Meşğul olğanlarına baqmadan, boş vaqıtları olmağan, amma makeme oturışına kelgen bütün merametli insanlarğa. Men bu insanlarnı kördim. Azatlıqta olğan er kes aileme qol tuttı”, – dep Rustem Kâmilev “Qırım birdemligi”ne tarif etti.

Hatırlatamız ki, boş aynıñ 7-nde İşğalli Aşırıcılıqqa qarşılıq merkeziniñ hadimleri advokatlar Rustem Kâmilev ve Lilâ Gemeciniñ evini tinttiler. Evini tintken soñ Rustem Kâmilev “Rusiye ordusını itibardan tüşürgeni” ve “natsist timsallerini numayış etkeni”nde şübeli sayılıp, apiske alındı ve mahsus apishanede qapatıldı. Advokat 10 künge tevqif etildi ve 50 biñ ruble para cezasını aldı.

Ukraina prezidentiniñ Qırım MCdeki temsilciligi işğalciler tarafından keçirilgen qanunsız tintüvlerni takbih etti.