Ukrayina qorçalayıcılarını hatırlaymız

29.08.2026

Arman ayınıñ 29-ı – Ukrayina mustaqilligi, suvereniteti ve topraq bütünligi oğrunda küreşte elâk olğan Ukrayina qorçalayıcılarınıñ hatıra künü.

Bu, Ukrayina qorçalağan arbiy hızmetçiler ve göñüllilerniñ hatıra künüdir, öz soy-soplarını, qorantalarını, şeer ve köylerini qorçalap, cenk meydanında elâk olğanlarnıñ hatıra künüdir. Soñuna qadar antlarına ve Ukrayinağa sadıq qalğanlarnıñ hatıra künüdir.

Er bir ölüniñ ayrı ikâyesi: qorantası, dostları, qardaşları bar. Er bir adnıñ arqasında devam etmeli olğan ayat bar. Biz olarnı hatırlaymız ve Ukrayinanıñ serbest olmaq içün ödegen fiyatını añlaymız.

Ukrayina qorçalayıcıları arasında onlarnen qırımtatar arbiy hızmetçisi de bar. Olar Ukrayina, onıñ topraq bütünligi ve Qırımnıñ serbest olacağı kelecek içün küreşe ediler.

Qırımtatarlar içün bu küreşniñ hususiy bir manası bar. Halqımıznıñ çoqusı endi on eki yıldan berli Qırımnıñ Rusiye işğali şaraitinde yaşamaq mecbur, bugün qırımtatar arbiy hızmetçileri ise öz Vatanını azat etüv kününi  yaqınlaşaraq, Ukrayinanı qorçalaylar..

Biz, elâk olğan bütün Ukrayina qorçalayıcılarını hatırlaymız.

Biz, küreşmege devam etkenlerni unutmazmız.

Ukrayina qorçalayıcılarınıñ canları nur içinde yatsınlar!