Ukrayina Mustaqillik Künü hayırlı olsun!

24.08.2026

Bir çoq nesil tarafından küreşilgen ve bugün mustaqil Ukrayina devletini yoq etmek, halqını esir etmek, öz kelecegini serbest belgilemek aqqından marum qaldırmaq niyetinen ukrayin toprağına istilâ etken Rusiye istilâcısına qarşı şiddetli cenkte küreşilgen Ukrayina mustaqilligi – ukrayin milletiniñ eñ yüksek variyetidir. Ve onıñ sayesinde asırlar devamında inkişaf etecek.

Qırımtatar halqı içün Ukrayina mustaqilligi – Ukrayinanıñ ayırılmaz bir qısmı olğan öz tuvğan toprağında, Qırımda, onıñ saqlanuvı ve serbest inkişafını kefil etken bir de bir degerliktir. Qırımtatarlar bu degerlikni ukrayinlernen beraber 35 yıl devamında saylap keleler ve bugün bütün millet ve dinlerniñ vatandaşlarınen beraberlikte Ukrayinanı Rusiye barbarlarından qorçalaylar.

Qırımtatar Milliy Meclisi adından er kesni Ukrayina Mustaqillik Kününen hayırlaymız!

Ukrayinağa şan-şerefler

Refat Çubarov
Qırımtatar Milliy Meclisiniñ Reisi

Kıyiv ş.
2026 senesi arman ayınıñ 24-ü