Ukrayina Devletçiligi künü hayırlı olsun!

15.07.2026

Ukrayina Devletçiligi künü – tarihımıznıñ terenligini, devlet qurucılıq ananeleriniñ uzunlığı ve Ukrayinanıñ kelecegi içün mesüliyetligini hatırlamaq içün bir fırsattır.

Qırım, tek halqara uquq qaidelerine köre degil, çoq asırlı tarih çerçivesinde de Ukrayina devletiniñ ayırılmaz bir parçası ola. Çeşit devirlerde Qırım ve qıtaiy Ukrayina siyasiy, iqtisadiy ve medeniy bağlarnen birleştirilgen edi. Qırım hanlığı Zaporijjâ Ordusı ile diplomatik munasebetlerni qorçalağan edi, getman Boğdan Hmelnıtskıynıñ İslâm III Geray han ile ittifağı ise XVII asır ukrayin tarihınıñ müim saifelerinden biri oldı.

Bugün, Ukrayina öz serbestligini ve topraq bütünligi içün küreşkende, qırımtatarlar ukrayin siyasiy milletiniñ ayırılmaz parçası olıp qalalar. Biz beraber devletni qoruymız, onıñ mustaqilligini qorçalamız ve Qırımnıñ işğalden azat etilmesi içün küreşemiz.

Ukrayina devletçiligi Qırımsız olmaz, azat etilgen Qırımnıñ kelecegi de mustaqil Ukrayinanen bağlıdır.

Ukrayina Devletçiligi künü hayırlı olsun!
Ukrayinağa şan-şerefler!