Hırsızlanğan ayat: Ervin İbragimovnıñ 10 yıllıq qıdıruvı

18.05.2026

Mayısnıñ 25-nde Qırım evinde qırımtatar faalcisi, Bütündünya qırımtatar kongressiniñ İcra eyyetiniñ azası Ervin İbragimovnıñ hırsızlanmasınıñ 10-ncı yıllığına bağışlanğan cemaat tedbiri ötkerilecek.

2016 senesi mayısnıñ 24-nde Ervin İbragimov işğal etilgen Bağçasarayda hırsızlandı. Ondan soñ on yıl keçti – lâkin onıñ taqdiri alâ daa belli degil. Onıñ davası, zemaneviy Qırımda zorbalıqnen ğayıp olğanlarnıñ eñ meşur adiselerinden biri ve Rusiye işğalli akimiyetiniñ repressiv siyasetiniñ timsali oldı.

Tedbir tek Ervinni hatırlamaq ve onıñ qıdıruvını devam ettirmek içün degil de, Ukrayina işğal etilgen topraqlarında hırsızlav, zorbalıqnen ğayıp etüv ve taqip etilüv mevzusını muzakere etmek kerek.

Programmada:
▪️ Ervin İbragimovnıñ hırsızlanuv yıllığı arfesinde çıqarılğan vesiqalı videonıñ kösterilmesi;
▪️ Qırım.Aqiqat leyhasınıñ arhivinden Anton Naumlük, Serğiy Nujnenko ve Alina Smutko jurnalistleriniñ  Ervinniñ qorantası, qıdıruvlar, Qırımda repressiyalar ve Kıyivdeki birdemlik aktsiyaları aqqında fotoresim sergisi;;
▪️ “Cevapsız 10 yıl: Ervin İbragimovnıñ davası ve işğalde zorbalıqnen ğayıp oluv sisteması” adlı panel munaqaşasında aq qorçalayıcılar, devlet müessiseleriniñ vekilleri ve Qırımtatar Milliy Meclisi iştirak etecek.

Spikerler: 

• Refat Çubarov, Qırımtatar Milliy Meclisiniñ Reisi;
• Tamila Taşeva, Ukrayina halq mebusı;
• Zarema Bariyeva, Qırımtatar Resurs Merkeziniñ idarecisi;
• Stanislav Kuliş, Ukrayina Yuqarı Şurasınıñ İnsan aqları vekâletlisiniñ Kâtibiyeti, Mudafaa saasındaki aqlarnıñ, veteranlar ve esir etilgen arbiy hızmetçiler ve aile azalarınıñ aqlarınıñ yerine ketirilmesini nezaret etici departamentiniñ müdiri; 

Sekretar Vitaliy, Qırım Muhtar Cumhuriyeti ve Aqyar şeeri prokurorlığınıñ reberiniñ birinci muavini.

İdareci: jurnalist Taras İbragimov

Munaqaşa vaqtında RFnıñ işğalli siaysetiniñ aleri olaraq zorbalıq ğayıplar, Qırımdaki mesüliyetsizlik, hırsızlanğan insanlarnı qıdıruv mehanizmleri ve bu cinayetler içün halqara mesüliyet aqqında laf etecekler.

2026 senesi mayıs ayınıñ 25-i
18:00
Qırım evi, Kıyiv ş., Omelânovıç-Pavlenko sq., 9
Kiriş: sıñırsız

Teşkilâtçılar: Qırımtatar Milliy Meclisi ve Ukrayina Ombudsmanı Ofisi.

Ortaqlar: Qadın Divanı, CrimeaVOX, CrimeaDaily, Qırım Media, «Qırım evi» DM.