Mecliste U23 Avropa çempionatınıñ mukâfatçıları olğan yaş sportçularnı qayd ettiler

24.03.2026

Qırımtatar Milliy Meclisiniñ ofisinde Ukrayinanı halqara sanada muvafaqiyetnen tadqim etken yaş ukrayin sportçularınen körüşüv olıp keçti. Tedbirde qırımtatar halqınıñ lideri Mustafa Cemilev, em de Meclis azaları – Ahtem Çiygöz, Eskender Bariev ve Riza Şevkiev, “Qırım cebesi” birleşken platformasınıñ vekilleri, Ukrayina milliy ve Yunan-Roma küreşiniñ idmancıları ve sportçuları.

Körüşüv devamında U23 Avropa çempionatınıñ ğalipleri – tunç medal qazanğan İrfan Mirzoev ve altın medal qazanğan Aida Kerimova hayırlandılar. Tedbir iştirakçileri yaş sportçularğa israrlıqları, ruh qaviyligi, Ukrayina ve qırımtatar halqını halqara yarışlarda lâyıq temsil etkenleri içün teşekkür bildirdiler, olarnıñ ğalebeleri Ukrayinanıñ dünyada populâr olmasına müim isse olğanını qayd ettiler.

Ukrayina halq mebusı, olimpiya çempionı Jan Belenük ayrıca qayd etti ki, Qırımnıñ vaqtınca işğal etilmesinen Ukrayina öz sport astyapısınıñ ve oqutuv bazalarınıñ emiyetli bir qısmını coydı.

Aynı zamanda İrfan Mirzoev qayd etti ki, qırımtatar halqınıñ lideriniñ qoltutuvı onıñ sportta eñ yüksek neticelerge irişmesi içün küçlü motivatsiyadır.