Qırımtatar Milliy Meclisiniñ delegatsiyası Almaniyağa iş ziyaretinen kete

19.02.2026

Meclis reisi Refat Çubarov ve Meclis azası Eskender Barievden ibaret Qırımtatar Milliy Meclisiniñ eyyeti 2026 senesi kiçik aynıñ  20-24 künleri Almaniyada iş ziyaretinen bulunacaq.

Almaniyada bulunğan vaqıt semetdeşlerinen, ukrayin ve qırımtatar diasporasınıñ vekillerinen bir qaç körüşüv planlaştırıla. Kiçik aynıñ 19-nda Ramazan ayı başlağanı sebebinden toplaşuvlar aqşam olacaq.

Bu körüşüvlerniñ cedveli aşağıda:

Kiçik aynıñ 20-si:
Neuss Türkischer Sport und Kulturverein, Fürtherstr. 83-85, 41462 Neuss
17:00-18:00 – körüşüv
Saat 18:00 – iftar, er kes davet etile. İftardan soñ – körüşüvniñ devamı.

Kiçik aynıñ 21-i:
Dietzenbach
Volta Str. 4, 63128 Dietzenbaç
20:00 – körüşüv.

Kiçik aynıñ 23-ü:
Berlin Türk Cemaati, Skalitzer Str. 13, 10999 Berlin
20:00 – körüşüv.

Bundan da ğayrı, kiçik aynıñ 23-nde kün devamında Refat Çubarov ve Eskender Bariev Café Kyiv tedbirlerinde iştirak etecekler – bu, ukrayin ve Avropa siyasetçileri, medeniyet, biznes ve vatandaş cemiyetiniñ erbaplarını birleştirmek içün platforma olaraq hızmet etken Berlinde er yıllıq büyük tedbirdir. Tedbir Ukrayinağa, onıñ Avropa kelecegine, ğayrıdan quruvına ve tecribeniñ paylaşuvına, hususan telükesizlik saasında, biñlernen iştirakçi ve yüzlernen ortaqnı birleştire.

Kiçik aynıñ 24-nde Qırımtatar Milliy Meclisiniñ vekilleri saat 18:00-de Berlinde Lustgartenden başlanacaq yürüşte ve saat 19:00-da Brandenburg qapısı yanında Ukrayinağa qoltutuv areketinde iştirak etecekler.

Şunıñ içün, istegen ve vaqıt tapıp olğan er keske, qayd etilgen yerlerde ve vaqtında körüşmekni alğışlayıq.

Bütün suallerni Qırımtatar Milliy Meclisiniñ resmiy Facebook saifesine ya da qtmm.info@gmail.com elektron poçtasına yollañız.