Qırımtatar delegatsiyasınıñ Romaniyağa iş seyaatı

14.12.2025

İlk qış ayınıñ 11-13 künleri, arfesinde ve Romaniyadaki Qavmiy tatar azlığı künü (Ziua etniei tătare din România), Qırımtatar Milliy Meclisiniñ reisi Refat Çubarov yolbaşçılığında Qırım MC musulmanları yuqarı müftisi Ayder Rustemov, Bütündünya qırımtatar kongressiniñ baş kâtibi Namık Kemal Bayar, QMDİniñ imamı Edem Basnaev Romaniyada bulundılar.

Ziyaret, Romaniya Türk-Musulman Tatar Demokratik Birligi – Uniunea Democrată a Tătarilor Turco-Musulmani din România (UDTTMR), Romaniya musulmanları müftisi Murat Yusuf ve Romaniya Mebuslar palatasınıñ mebusı Amet Varolnıñ davetinen etildi.

Qırımtatar delegatsiyasınıñ ziyaretiniñ birinci künü Bükreşte Romaniya devlet ve siyasiy erbaplarınen resmir körüşüvlerge ayırıldı:

• Romaniya Tış işler naziri Oana Tsoiu (Oana Țoiu);
• Romaniya Mebuslar palatasınıñ kâtibi Silvia Klaudia Mihalçâ (Silvia Claudia Mihalcea) ve Mebuslar palatasınıñ Tasil meseleleri eyyetiniñ reisi Aleksandru Mihai Gigiu (Alexandru Mihai Ghigiu);
• Milletlerara munasebetler bölüginiñ koordinatorı Dinçer Câfer (Dincer Geafer);
• Romaniya Din işleri devlet kâtibi Çiprian Oliniçi (Ciprian Olinici).

Türkiye Cumhuriyetiniñ Romaniyadaki Elçisi Özgür Kıvanç Altan (Özgür Kıvanç Altan) da dostluq ziyareti yaptı.

Ziyaretniñ ekinci ve üçünci künleri – ilk qış ayınıñ 12 ve 13-nci künleri – qırımtatar eyyeti Konstantsa şeerinde bulundı, anda qırımtatar diasporasınıñ vekilleri, belediye akimiyet organlarınıñ reberleri, jurnalistlernen körüşüvler, tögerek masalarda çıqışlar ve Romaniyadaki Qavmiy tatar azlıq kününe bağışlanğan kütleviy tedbirler olıp keçti.

Qırımtatar delegatsiyasınıñ Romaniya ziyareti ve neticeleri aqqında malümat, delegatsiya Kıyivge qaytacaq soñ berilecek.