Mustafa ağa, hayırlı yaşlar olsun!

13.11.2025

Bugünde-bugün efsaneviy uquq qorçalayıcı, dissident ve ŞSCB devriniñ siyasiy mabüsi, III – IX çağırılışnıñ Ukrayina halq mebusı, 1991-2013 seneleri Qırımtatar Milliy Meclisiniñ reisi, Ukrayina Qaramanı, qırımtatar halqınıñ lideri Mustafa Cemilev 82 yaşına kirdi.

Ürmetli Mustafa ağa, Qırımtatar Milliy Meclisi ve şahsen adımdan Sizni doğğan künüñiznen samimiy hayırlaymız.

Siziñ sabırlılığıñız – ğalebe qazanıp, evge qaytuvımızğa olğan işandır. Allah sizge küç, sağlıq, muvafaqiyet bersin!

Varvar rusiyege qarşı epimizge ğalebe ve mustaqil Ukrayina devletinde Qırım ve qırımtatar halqınıñ bahtlı kelecegini tileyim!

Refat Çubarov,
Qırımtatar Milliy Meclisiniñ reisi