Menü 
“Ukrayin Qırımında qırımtatar tili” subeti
09.09.2025
Til er künlik ayatnıñ bir parçası olğan, nesilden nesilge keçken ve halqnıñ sesi olğan müddetçe bardır. Amma asırlar devamında tilniñ yoq etilmesine ıntıluvlar yapılsa, ve er kün til qullanğanlarnıñ sayısı eksilse, ne yaparsıñız?
Panel munaqaşasında bizler ilk küz ayınıñ 10-ncı kününi Qırımtatar tili ve edebiyatı künü olaraq belgilevniñ emiyeti aqqında laf etecekmiz ve tamır halqınıñ tiline cemaat merağını ğayrıdan tiklev, populârlaştıruv ve faalleştirüv mehanizmlerini tapmağa tırışacaqmız.
Subetniñ iştirakçileri:
Olğa Kurışko, Ukrayina Prezidentiniñ Qırım MC Daimiy Temsilcisi;
Refat Çubarov, Qırımtatar Milliy Meclisiniñ reisi;
Viktor Yelenskıy, Ukrayinanıñ Qavmiy siyaset ve vicdan serbestligi devlet hızmetiniñ reisi.
Munaqaşanı “Qırımtatar tiliniñ inkişafı institutı” Cemaat birleşmesiniñ Reisi Mustafa Ametov idare etecek.
Küneş batmazdan evel zalda eski qırımtatar plastinkaları çalınacaq – qırımtatar tiliniñ aqiqiy sesi sizni Qırımnıñ keyfine daldıracaq ve küreşmek kerçekten de ne içün kerek olğanını hatırlatacaq.
Tarih: ilk küz ayınıñ 10-u, saat 19:00-da
Yer: Sens kitap tükânı, Hreşçatık, 34, 2-nci qat (küçük zal)
