Ukrayina qorçalayıcıları künü hayırlı olsun

01.10.2025

Ürmetli vatandaşlar!

Ürmetli Ukrayina qorçalyıcıları!

Ukrayina qorçalayıcıları künü hayırlı olsun – bu cesaret, dayanıqlıq ve tuvğan yerine sadıqlıq bayramıdır.

Bugün Rusiye tecavuzcısına qarşılıq köstergende farqlı asıllı Ukrayina vatandaşları omuz-omzularına turalar. Episileri Ukrayina devletiniñ serbestligi, itibarı ve kelecegini qorçalağan bir küç yaratalar.

Mustaqil Ukrayina ve onıñ vatandaşları içün canını telükege oğratqan er keske temenna ve sıñırsız minnetdarlıq.

Ğalebe ve Vatan içün canını feda etken arbiy hızmetçiler hatırasına ürmetnen başımıznı egemiz!

Eminmiz ki, ukrayin arbiy hızmetçileriniñ cesürligi ve ukrayin halqınıñ birligi sayesinde Rusiye duşmanı bütün işğal etilgen ukrayin topraqlarından quvulıp çıqarılacaq ve azat etilgen Qırım üzerinde Ukrayina devlet bayrağınen beraber qırımtatar bayrağı – azatlıq, adalet ve evge qaytmaq timsali olaraq –  kene köterilecek.

Ukrayina qorçalayıcılarına şan-şerefler!!

Qaramanlarğa ebediy şan-şerefler!

Ukrayinağa şan-şerefler!

Refat Çubarov

Qırımtatar Milliy Meclisiniñ Reisi

2025 senesi orta küz ayınıñ 1-i

Kıyiv ş.