Rustem Umerov Ukrayina milliy havfsızlıq ve mudafaa şurasınıñ kâtibi vazifesine tayinlendi

18.07.2025

Mütenasip Ferman Ukrayina Prezidenti Volodımır Zelenskıynıñ saytında 2025 senesi oraq ayınıñ 18-nde derc etildi.

Volodımır Zelenskıy MHMŞnıñ kâtibi ögünde qoyulğan mudafaa ve muzakere saalarındaki vazifelerni de izaatladı.

“Birinciden, ortaqlarımıznen silâ aqqında añlaşmalar üzerinde çalışmağa devam etmek kerek. Ortaqlarımıznen er bir silâ tedarik añlaşmasını ve ortaqlarımıznıñ topraqlarında umumiy istisal ve zavodlarnıñ qurulması aqqında yañı mahsus añlaşmalarnı tolusınen yerine ketirmek kerek.

Ekinciden, MHMŞ ve Başlıq tarafından qabul etilgen qararlarnıñ yerine ketirilmesi vaziyetini talil etmek, keçiktirilgenlerni amelge keçirmek, em de Tehnologik Başlıq formatını bayağı quvetleştirmek kerek. Ukrayina mudafaa ve havfsızlıq sektorında tam idare ve qararlarnı tam yerine ketirmek kerek.

Üçünciden, qonuşuv yolunı açmaq kerek. Şimdi İstanbulda keçirilgen ekinci körüşüvniñ añlaşmaları yerine ketirile. Bu ceryanda daa çoq dinamik kerek”, – dep aytıla haberde.