Gayana Yüksel Ankarada keçirilgen mitingde Sürgünlikniñ 8-nci yıllığı munasebetinen Meclisniñ beyanatını ilân etti

20.05.2025

Mayısnıñ 18-nde Türkiye paytahtında sürgünlikniñ 81-nci yıllığına ve qırımtatar halqınıñ genotsid fedalarınıñ hatıra kününe bağışlanğan tedbir keçirildi. Tedbirde Türkiye qırımtatar diasporasınıñ vekilleri, cemaat teşkilâtları, alimler ve Ankara sakinleri iştirak ettiler.

Qırımtatar Milliy Meclisiniñ azası Gayana Yüksel miting vaqtında çıqışta bulunıp, genotsidniñ 81-nci yıllığı munasebetinen qabul etilgen Meclisniñ beyanatını oqudı.

Tedbir iştirakçileri sürgünlik fedalarını dualar ve hatıra sözlerinen añdılar. Çıqışlarda 1944 senesi yüz bergen facia insaniyet tarihınıñ qara saifelerinden biri olğanı qayd etildi, em de Qırımnıñ bugünge qadar Rusiye işğali altında bulunğanına diqqat celp etildi.

Qayd etilgenine köre, qırımtatar halqınıñ başından keçirgen genotsidi unutılmamalı, onıñ hatırası ise kelecek nesillerge berilmeli. Miting beyannameniñ oqulmasınen yekünlendi.