Qırımtatar halqınıñ genotsid fedalarınıñ hatıra kününe bağışlanğan hatıra tedbirlerini keçirüv planı

Qırımtatar halqınıñ genotsid fedalarınıñ hatıra kününe bağışlanğan esas hatıra tedbirlerini keçirüv planı, Kıyivde Ukrayina Prezidentiniñ Qırım Muhtar Cumhuriyetindeki Temsilciligi, cemaat teşkilâtları, tasil müessiseleri ve başqalarınen işbirlikte Qırımtatar Milliy Meclisi tarafından keçirilecek.

Qayd etemiz ki, tedbirler planı tolu degildir, oña bir sıra tedbirlernen bağlı tafsilâtlar kirsetile bilir, olarnıñ ilân etilüvi, memlekette arbiy vaziyet olğanı sebebinden, olarnıñ keçirilüvi ögüne mahsus bir şekilde yapılacaq.

Ukrayina Prezidentiniñ Qırım Muhtar Cumhuriyetindeki Temsilciligi, Qırımtatar Milliy Meclisi, Qırımtatar cemaat teşkilâtları, kütleviy haber vastaları mayısnıñ 18-ne – Qırımtatar halqınıñ genotsid fedalarınıñ hatıra kününe – keniş malümat kampaniyanı keçirecekler.

2025 senesi mayısnıñ 13-ü

Qırım işğali aqqında şaatlarnıñ umumiy (cemaat) diñlevleri. Ukrayinadan iştirakçiler: oflayn – Süleyman Mamutov, Gülsüm Halilova, İrına Sedova, Ahtem Çiygöz; onlayn – Refat Çubarov, Tamila Taşeva.

Teşkilâtçılar: Saeymniñ tış işler eyyeti, Ukrayina Yuqarı Şurasınenişbirlik içün Saeym gruppası, Halqara Qırım platformasına destek içün Saeym gruppası.

Yer: Riga ş., Latviya.

2025 senesi mayısnıñ 16-sı

Qırımtatar Milliy Meclisiniñ azaları, devlet erbapları, diplomatlar, Qırımtatar ve Ukrayin cemiyetiniñ vekilleriniñ iştiraginen hatıra tedbiri Qırımtatar halqınıñ genotsid fedalarınıñ hatırasına bağışlandı: çıqışlar, “1944” filminiñ taqdimi (rejissör: Fatima Osmanova).

İştirak etmek içün davetname kerek.

Teşkilâtçılar: Qırımtatar Milliy Meclisi Kıyiv-Moğıla Akademiyasınıñ “Qırım studiyaları” merkezinen işbirlikte, Ukrayina Prezidentiniñ Qırım Muhtar Cumhuriyetindeki Temsilciligi, “Qırım evi” cemaat teşkilâtı.

Yer: “Jovten” kinoteatri, “Kinoman” kinoteatrları.

2025 senesi mayısnıñ 16-19. künleri

Qırımtatar halqınıñ genotsid fedalarınıñ hatırasına bağışlanğan hatıra abidesi yanında malümat levhası

Teşkilâtçılar: Ukrayina Prezidentiniñ Qırım Muhtar Cumhuriyetindeki Temsilciligi/Qırım platforması ofisi, Qırımtatar Milliy Meclisi, Kıyiv-Moğıla Akademiyasınıñ “Qırım studiyaları” Merkezi, Qırım evi, TRO Media, Crimea Daily media teşebbüsi.

Yer: Kıyiv ş., Barışıq şeer bağçası, Lıbidska metro stantsiyası.

2025 senesi mayısnıñ 18-i

Kün devamında er kes Qırımtatar halqınıñ genotsid fedalarınıñ hatırasını añmaq içün tedbirlerge qoşula bilecek, şu cümleden: “Serbest Qırımğa” mektüpler yazuv, satış malzemelerinen stendler yerleştirüv, Hatıra abidesi yanında şeer bağçasında toqtatılmaz filmler ve videolar kösterüv.

Teşkilâtçılar: Ukrayina Prezidentiniñ Qırım Muhtar Cumhuriyetindeki Temsilciligi, Qırımtatar Milliy Meclisi, Qırım evi, TRO Media, Crimea Daily media teşebbüsi.

Yer: Kıyiv ş., Barışıq şeer bağçası, Lıbidska metro stantsiyası.

2025 senesi mayısnıñ 18-i

(Tedbir vaqtı ayrı bildirilecek)

Qırımtatar ve Ukrayin cemiyetiniñ, hususan gençlerniñ iştirakinen açıq hatıra tedbiri. Memurlar, siyasetçiler, din adamları, cemaat erbaplarınıñ çıqışları. Kün devamında Qırımtatar halqınıñ genotsid fedalarınıñ hatırasını añmaq içün Qırımtatar tamğası şeklinde çıraqlarnı yaqacaqlar.

Teşkilâtçılar: Ukraina Prezidentiniñ Qırım Muhtar Cumhuriyetindeki Temsilciligi, Qırımtatar Milliy Meclisi, Qırım evi, TRO Media, Crimea Daily media teşebbüsi.

Yer: Kıyiv ş., Barışıq şeer bağçası, Lıbidska metro stantsiyası.

2025 senesi mayısnıñ 18-i

Ukrayina Milliy filarmoniyasında saat 19:00 “Miy Krım” (“Menim Qırımım”) kontserti keçirilecek, anda Elvira Emirniñ 1-nci simfoniyası ve Ukrayina Milliy filarmoniyasınıñ Akademik simfonik orkestri tarafından Dilâver Osmannıñ idare etmesi altında Üsein Bekirovnıñ fortepiano kontserti çalınacaq. Bağlantığa basıp, tafsilâtlı malümat ve biletler almaq mümkün.

2025 senesi mayısnıñ 19-ı

Qırımtatar halqınıñ genotsid fedalarınıñ hatırasını añmaq ve talebeler arasında tarihiy añnı şekillendirmek maqsadınen Novopeçersk mektebine kezinti. Programma çerçivesinde: “1944” vesiqalı filminiñ kösterilüvi; Sadıh Acı-Selimniñ bediiy eserleri esasında ekspozitsiya; “Birlik School”nıñ sürgünligi aqqında qoranta ikâyeleri olacaq.

Teşkilâtçılar: “Birlik School” Qırımtatar litseyi.

2025 senesi mayısnıñ 19-ı

Selyam Qırımtatar restoranında sürgünlik aqqında ikâyelerni büyük nesillerden balalarğa ögretüv aqqında gençler içün maarif tedbiri. Tedbirniñ spikerleri Qırımtatar gençleri olacaq.

Teşkilâtçılar: Qırım platforması Ofisiniñ desteginen QırımDaily media teşebbüsi

Yer: Kyiv ş., Petro Sağaydaçnıy soqağı, 35.

Bundan da ğayrı, mayıs 7-den başlap sürgünlik yıllığına bağışlanğan bir sıra tedbirler keçirildi. Hususan:

– mayısnıñ 7-nde Qırım evinde “Qırım ve Qırımtatar halqınıñ tarihındaki müim ve unutılmaz vaqialar taqvimi” taqdim etildi;

– mayısnıñ 8-nde V.Ğ. Zabolotnıy adına Devlet ilmiy mimarcılıq-qurucılıq kitaphanesinde Qırımtatar litsey “Birlik School” tarafından azırlanğan sergi ve teatrlaştırılğan numayışnı birleştirgen “Accı badem çiçek açqan yerde…” medeniy-bediiy tedbiri olıp keçti. 1944 senesi mayısnıñ facialı saba vaqiaları bugünki cenkniñ kerçekliklerinde yaşağan balalar tarafından tarif etilgen bir ikâye olaraq birleşe;

– mayısnıñ 12-nde Qırım musulmanları diniy idaresinde “Keşif. Qırımtatar nağışları” medeniy-bediiy tedbiri taqdim etildi;

– mayısnıñ 12-nde Hreşçatıkta Ukrayina Prezidentiniñ Qırım Muhtar Cumhuriyetindeki Temsilciligi, Qırım platforması ofisi, Qırımtatar Milliy Meclisi, Kıyiv-Moğıla akademiyasınıñ “Qırım studiyaları” Merkezi işbirliginde teşkil etilgen “QIRIM İÇÜN / Заради Криму” malümat sergisi açıldı;

– mayısnıñ 13-nde Ukrayin buhran media-merkezinde Qırımtatar halqınıñ genotsidiniñ 81-inci yıllığına bağışlanğan “Unutma yañı cinayetke yol aça” matbuat konferentsiyası olıp keçti, onı Qırımtatar maaliy merkezi, Qırımtatar Milliy Meclisi, Ukrayina Prezidentiniñ Qırım MC Temsilciligi, Ukrayinanıñ Qavmiy siyaset ve vicdan serbestligi devlet hızmeti teşkil ettişer.

Qırımtatar halqınıñ genotsid fedalarınıñ hatıra kününe bağışlanğan tedbirler Ukrayina ve çetel şeerlerinde keçirilecek.