Eskender Bariiev ve cemaat erbapları Avropa devletlerine muracaat ettiler

09.05.2025

Qırımtatar Milliy Meclisiniñ azası ve Qırımtatar maaliy merkeziniñ idare reisi Eskender Bariiev cemaat erbaplarınıñ Avropa devletlerine muracaatına qoşuldı, olar Avropa memleketlerini Ukrayinanıñ halqara seviyede tanılğan sıñırlarını qorçalamaq içün Ukrayina silâlı quvetlerinen sıq işbirlik tutmağa çağırdılar.

“AQŞ memuriyetiniñ Ukrayinağa nisbeten yönelişiniñ deñişmesine cevap olaraq, Ukrayinanıñ halqara sıñırlarını qorçalamaq maqsadınen Birleşmeniñ silâlı quvetlerini Ukrayin silâlı quvetlerinen işdeşlikke çağırmaq içün Avropa devlet ve ükümet yolbaşçılarına muracaat etken 505 meşur şahıs arasında bulunmaq şerefine nail oldım. Bu talap daa aktual ola, çünki Moskva ve Minskniñ Belarusta ilk küz ayında keçirecegi “Ğarp-2025″ arbiy talimleri, Ukrayinağa yañı istilâ içün preludiya ola bilir”, – dep o, Facebook saifesinde yazdı.

Vesiqanıñ tam metni:

Avropa devlet ve ükümet yolbaşçılarına muracaat

Ya Avropa prezident Trampnıñ NAT-nıñ diger aza memleketlerinen muzakere etmeden qabul etilgen siyasiy qararlarını taqip etecek, ya da öz küçüne esaslanıp, Ukrayina telükesizlik menfaatlarını özünden ğayrı da qorçalamağa qarar alacaq.

NATO azalarınıñ çoqusı içün, rusiyeniñ Ukrayinada açıq ve şübesiz arbiy yeñilmesi olmadan Avropada kelecekte telükesizlik olamaz. Bu, tek ruslar tarafından yapılğan rejim deñişmesiniñ degil de, Moskvada akimiyetni zapt etken arbiy klannıñ, şimdiki Rusiye akimiyetiniñ imperialist siyasetinen bozulmağa azır olğan pragmatik liderler taqımı tarafından deñiştirilmesiniñ temelini yaratmaq içün zaruriy ve, ğaliba, yeterli bir şarttır.

Avropa memleketleri Tramp memuriyetiniñ Ukrayinanı NATOğa qoşmağa red etüvini ve Amerika prezidentiniñ Ukrayina içün telükesizlik kefaletleri ceetinden ciddiy bir alternativni şekillendirmemesini de köz ögüne almalı.

Şunıñ içün biz Avropa ükümetlerini, Amerika prezidentiniñ ricasına köre, tınçlıq saqlav quvetleriniñ yerleştirilüvini köz ögüne alıp, şunı yapmağa muracaat etemiz:

– Beyarusnıñ cenkke doğrudan kirişüv telükelerini sıñırlamaq içün Beyarus ve Ukrayina arasında 1000 kilometrlik sıñırnı qorçalamaq içün mesüliyetli olğan Ukrayin quvetlerini quvetleştirmek içün 30 000 askerlik quvetni acele yerleştirmege;

– Rusiye ve Ukrayina arasındaki sıñırnı qorçalamaq içün Rusiye ve Ukrayina arasında Sumı ve Harkiv vilâyetlerinde üç ay devamında Ukrayina quvetlerini quvetleştirmek içün 50 000 askerni evelden yerleştirmege;

– Rusiye orduları Ukrayinadan çıqarılacaq ya da Ukrayin ordusı tarafından yeñilecek soñ, Luğansk ve Donetsk vilâyetlerinde Rusiye ve Ukrayina arasındaki sıñırnı qorçalamaq içün Ukrayin ordularınen beraber iştirak etmege azır olğan 100 000 askerni azırlamağa.

Bu Avropa silâlı quvetlerniñ vazifesi, Rusiye ordusınıñ istilâsı ya da istilâsı teşebbüslerini toqtatmaq ya da yoq evelden yoq etmeknen, Ukrayinanıñ halqara sıñırlarını qorçalamaqnen sıñırlana. Bu vekâlet çerçivesinde bu quvetler Ukrayinanıñ umumiy arbiy qurulışına kirsetildi.

Bizler Avropa ükümetlerini, Ukrayinağa AQŞnıñ arbiy yardımı kesilecegi içün tazminat bermege azır olmağa çağıramız.