Refat Çubarov: “Ukrayina öz vatandaşlarınıtaşlap ketmez”

01.05.2025

Qırımtatar Milliy Meclisiniñ reisi bildirdi ki, çiçek ayınıñ 30-nda Ukrayinağa cenk areketleri devam etken Suriyede bulunğan Ukrayina vatandaşları olğan qadın ve balalardan soñkisi qaytarıldı.

“Suriyege kelip, bu memleketniñ arbiy areketlerinden qurtulğan Ukrayina vatandaşları küçük balalarınen Suriye demokratik quvetleriniñ kürd teşkilâtları kontrol etken Al-Hol ve Roc halqara qaçaqlar lagerlerinde qaldı.

Başta 11 biñ kişilik Al-Hol lagerinde 2019 senesi mayıs ayında 73 biñden çoq kişi buluna edi, olardan 94%-i – qadınlar ve balalar. O vaqıt lagerdeki şarait gumanitar buhran kibi tasvirlengen edi, aş, suv ve tibbiy yardım yetmey edi, balalar hastalıqlardan vefat ete edi“, – dep Refat Çubarov Facebook saifesinde tarif etti.

Meclis reisi qayd etti ki, Ukrayina vatandaşlarınıñ evge qaytarılmasında yardım içün muracaatnen Qırımtatar Milliy Meclisine daa 2019 senesi muracaat etken ediler, çünki qadınlar arasında em Qırımtatarlar, em de Ukrayinler bar edi. O zamandan berli, bir çoq qıyınlıq ve obyektiv ve subyektiv manianen küreşip, er bir insan, er bir bala aqqında malümat toplamaq, analar ve balalarını belgilemek, tuvğanlarınen bağ tutmaq, Suriyedeki halqara qaçaqlar lagerlerini nezaret etken paramilitar teşkilâtlarnen añlaşmaq içün, büyük bir taqım er bir insannı evge qaytarmaq içün çalıştı:

“Bazı vaqıtları, qaçaqlar lagerinde olğan adaletsizlik ve işançsızlıq aqqında qorqunçlı tafsilâtlarnı añlatqan haberler meni cemiyetke ve akimiyetke açıq muracaat etmege mecbur ete edi, Ukrayina Yuqarı Şurasınıñ kürsüsinden çıqışta bulundım. Birinci cevapnı Ukrayina tış işler nazirliginiñ o vaqıttaki reberligi berdi. Bunıñ ile bütün ameliy iş Ukrayina Tış işler nazirliginiñ konsullıq hızmeti departamentiniñ müdiriniñ muavini olğan ve şimdi Hırvatistanda Ukrayina elçisi vazifesinde muvafaqiyetnen hızmet etken Vasıl Kırılıçqa berildi. Onıñ ihtisaslılığı ve tecribesi sayesinde Ukrayina vatandaşlarınıñ qaytarıluvı oğrunda farqlı müessiselerniñ faaliyetinde kerekli yönelişlerni bermege imkân oldı. Tezden Ukrayina mahsus hızmetleriniñ temsilcileri qoşuldılar, amma iştirak etken idarelerniñ ve hızmetlerniñ idaresi kerek edi. 2019 senesi mayıs ayında Ukrayina Nazirler Kabinetiniñ iştirak etken nazirlik ve hızmetlerniñ areketlerini idare etmek içün İş gruppasınıñ teşkil etilmesi Ukrayina vatandaşlarınıñ qaytarıluvı boyunca areketlerniñ azırlanuvını bayağı tezleştirdi”.

Meclis reisi er bir azat etüvniñ amelge keçirilmesinde farqlı esnaslarğa alâqası olğan er kesni qayd etti: Fatima Boyko, Emine Ceppar, Meclis azaları, jurnalistler Taras İbragimov ve Olena Savçuk ve er bir operatsiyanı azırlağan ve şahsen keçirgen digerlerni.

Böylece, 2019 senesinden bugünge qadar Suriye qaçaqlar lagerlerinden Ukrayinağa 55 Ukrayina vatandaşı qayttı, olardan 41-i bala.

“Ukrayina vatandaşlarınıñ muracaatlarından iç biri cevapsız qalmadı, çünki Ukrayina öz vatandaşlarını taşlap ketmez. Kerçekten aytsam, bu işte iştirak etken er kesniñ balalarnı qurtarıp olğanını añlap, quvanam, er biri – ayrı bir dünya, ve tek Yüce Allah olarnıñ vazifelerini bile. Eminim ki, olar yahşı ve adaletli olacaqlar, çünki özleri yahşılıqnı ögrendiler”, – dep Refat Çubarov yekün çıqardı.