Nariman Celâl “Globalleşüv meseleleri: kelecekni idare etüv” konferentsiyasında iştirak etti

18.04.2025

Çiçek ayınıñ 18-nde Qırımtatar Milliy Meclisiniñ reisiniñ muavini Nariman Celâl T. Ğ. Şevçenko adına Kıyiv milliy universitetinde keçirilgen “Globallaşuv çağıruvları: kelecekni idare etüv” halqara ilmiy-ameliy konferentsiyasında iştirak etti.

Öz “Qırımtatar meselesi: lâğu etmek ya da çezmek?” çıqışında o, Ukrayina içün tamır Qırımtatar halqınıñ öz muqadderatını belgilev aqqını yerine ketirüv qararını qabul etmesiniñ emiyetini ve zarurlığını qayd etti.

“Qırımtatarlarğa milliy-topraq muhtariyetniñ berilmesi Ukrayina devleti içün telüke degil, aksine, topraq bütünligi, milliy havfsızlıq, demokratik siyasiy inkişaf kefaletleriniñ semereli temin etilmesi içün imkân olur”, – dep siyasetçi qayd etti.

Celâl qayd etti ki, devam etken işğal şaraitinde Ukrayin akimiyetiniñ bu yönelişte muayyen adımları yarımadada Ukrayin tarafdarı duyğularnı quvetleştirecek, hususan “Qırım ealisiniñ eñ birleştirilgen, faal, qararlı qısmı – tamır Qırımtatar halqınıñ Ukrayinağa sadıqlığı”nı quvetleştirecek.

Nariman Celâl şunı da añlattı ki, Qırımtatarlarnıñ öz muqadderatını tayin etüv aqqınıñ yerine ketirilmesi, “Rus Qırımı” aqqında imperiya ifalarına qarşı küçlü bir qarşı delil olacaq:

“Sıñırlarnıñ bozulmamasını qullanuv – Ukrayin tarafınıñ küçlü argumenti. Amma tek Qırımtatar faktorı Rusiyeniñ Qırımğa yapılğan em tarihiy, em de sözde istilâsını tolusınen yoq ete”.