Nariman Celâlnıñ “11 yıllıq cenk. Başlanğıç noqtası: Qırım” milliy forumı çerçivesinde muracaatı

26 February 2025

Nariman Celâl “İşğalge tirenüv: Inıñ yüzü nasıldır?” adlı munaqaşada “11 yıllıq cenk. Başlanğıç noqtası: Qırım” milliy forumı çerçivesinde apis cezası tecribesi aqqında aytıp, onıñ apiske alınması işğalcilerge qarşı devam etken küreşniñ beklenilgen neticesi olğanını qayd etti.

Meclisniñ reisiniñ birinci muavini qayd etti ki, apishanede o yañı şaraitke alışmağa mecbur oldı, ağır ruhiy vaziyetni yeñdi ve er şeyge baqmadan tirinmege devam etmek içün küç taptı. Bundan ğayrı, apishanede şimdi endi ölgen mabüs Kostântın Şırinğ, Boğdan Ziza, İrına Danılovıç, Osman Arifmemetov kibi başqa Qırım siyasiy mabüslerinen tanışqanı ve körüşkeni aqqında tarif etti.

Nariman Celâl qayd etti ki, küreşniñ adaletliligini añlamaq ve insanlarğa qol tutmaq – bu doğru adımlar atmağa, prioritetlerni belgilemege ve apiste olğanda da aqiqatnı qorçalamağa yardım etken esas faktor oldı. Nariman Celâl qayd etti ki, Qırım içün küreş apishaneler tışında da devam ete, ve repressiyalarğa baqmadan, pek çoq siyasiy mabüs işğalge muqavemet köstermege toqtamay.