Nariman Celâlnıñ Qırımnıñ işğaline tirenüv kününe muracaatı

25 February 2025

“İşğal altındaki ayat, Rusiye teşviqatı tasvirlegen kibi güzelmi? Yoq! İşğalni aqlağan insanlarnıñ ekseriyeti zayıf. Zayıflar, çünki qorqalar. Qorqalar, çünki aqiqat yoq olğanını bileler.

Halqımıznıñ Rusiye işğali altında yaşamağa istegi doğrumı? Yoq! Çoqusı sadece qorqa.

İşğal altındaki evlerde yaşağan vatandaşlarımız hain olğanını doğru aytamızmı? Yoq! Kimdir hainlik ete, kimdir susıp qala, amma qaramanlar isyan ete.

Halqımız azat yaşamağa istey, adalet, itibar ve serbestlik oğrunda küreşkenleri içün apishanege atılmaq ve öldürilmek qorqularından qurtarmaq isteymi? Ebet! Ve bu aqiqat, küçlü duşmanğa qarşı turmaq içün küç bere.

Cebede ve işğalde muqavemet köstermek, halqara boşluqta ve cemiyetimiz içinde muqavemet köstermek. İftira ve qabaatlavlarğa baqmadan, añlaşılmamazlıq ve qarşılıqqa baqmadan. Özüñizge ve dostlarıñızğa inanıñız. Ümütke sımsıq tutunıp.

Vatslav Ğavel dedi ki: “Ümüt, tek muvafaqiyetniñ imkânı olğanı içün degil. maqsatqa irişmek içün çalışmaq qabiliyetidir, çünki maqsat yahşı ve güzeldir. Bizim Ukrainamız, bizim Qırımımıznıñ azatlığı – bu yahşı ve güzel bir maqsat! Ve biz onı elde ete bilemiz!” – Qırımtatar Milliy Meclisiniñ reisiniñ muavini Nariman Celâl Ukraina Prezidentiniñ Qırım Muhtar Cumhuriyetindeki Temsilciligi tarafından Qırımnıñ işğaline tirenüv kününe azırlanğan video muracaatında.