Çehiya Cumhuriyeti qırımtatar halqınıñ sürgünligini genotsid olaraq tanımağa azırlana

24 Noyabr 2024

Boş aynıñ 19-nda Çehiya Cumhuriyeti Senatınıñ tış işleri, mudafaa ve havfsızlıq eyyeti 1944 senesiniñ qırımtatar halqınıñ sürgünliginiñ genotsid olaraq tanınması aqqında Senat qararınıñ leyhasını bir ağızdan qabul etti.

Çehiya Cumhuriyetiniñ tış işleri naziri Yan Lipavskıy boş aynıñ 22-nde Meclisniñ vekillerinen körüşüvde bunı bildirdi.

Çehiya Senatınıñ tış işleri, mudafaa ve havfsızlıq eyyeti 1944 senesiniñ qırımtatar halqınıñ sürgünliginiñ genotsid olaraq tanınması aqqında Senat qararınıñ leyhasını bir ağızdan qabul etti. Bu qararnı senatnıñ ilk qış ayında keçirilecek oturışında baqmaq kerekler.

Qırımtatar Milliy Meclisiniñ reisi Refat Çubarov nazir Yan Lipovskıynıñ adından Çehiya Cumhuriyetiniñ prezidenti, parlamenti ve ükümetine qırımtatar halqına birdemligi ve Rusiye istilâsını toqtatmaq ve topraq bütünligini ğayrıdan tiklemek içün Ukrainağa er taraflama qol tutqanı içün teşekkürler bildirdi.