Meclisniñ vekilleri Çehiya tış işleri nazirinen körüştiler

24 Noyabr 2024

Keçken künü, boş aynıñ 22-nde, Çehiya Cumhuriyetiniñ Ukrainadaki elçihanesinde Qırımtatar Milliy Meclisiniñ, Çeh Cumhuriyetiniñ tış işleri naziri Yan Lipavskıynen körüşüvi olıp keçti.

Körüşüvde Meclisniñ reisi Refat Çubarov, Meclisniñ reisiniñ muavinleri Nariman Celâl ve İlmi Umerov, Meclisniñ azaları Eskender Bariiev ve Riza Şevkiyev ve Çehiya Cumhuriyetiniñ Ukrainadaki Elçisi Radek Peh iştirak ettiler.

Meclisniñ reisi Nazirni Rusiye işğali altında qırımtatar halqınıñ şimdiki vaziyeti, Meclisniñ qırımtatar halqınıñ menfaatları oğrunda vekâletlerini yerine ketirüvde rastkelgen esas meseleler ve problemler aqqında haberdar etti.

Nazir Lipavskıy Çehiya Cumhuriyetiniñ qırımtatarlar ve Ukrainağa destek köstergenini ve tamır qırımtatar halqınıñ qorçalavında iştirak etmege devam etecegini qayd etti. Taraflar işbu esnasta işbirlik ve işbirlik meselelerini muzakere ettiler.