Meclisniñ reisiniñ birinci muavini AŞPAda çıqışta bulundı (video)

03 Oktâbr 2024

Nariman Celâl Strasburgdaki Avropa Şurasınıñ Parlament assambleyasınıñ küz sessiyasında çıqışta bulundı.

Orta küz ayınıñ 2-nde AŞPA “Rusiye Federatsiyasınıñ Ukrainağa qarşı tecavuzı neticesinde ğayıp olğanlar, esir alınğan askerler ve esir alınğan vatandaşlar” rezolütsiyasını qabul etti. Vesiqa, başqa şeylernen beraber, Rusiye apishanelerinde tutulğan arbiy ve vatandaşlarnıñ aqlarınıñ bozuluvını qayd ete. Meclisniñ reisiniñ birinci muavini de Rusiye apishanelerinde işkence aqqında tarif etti. Nariman Celâl bildirdi ki, onıñ davası boyunca işğalcleri Ahtem ve Aziz Ahtemovlarnı maneviy ve fizikiy ceetten azapladılar.

O hatırlattı ki, siyasiy mabüsler arasında belli olğanı eñ azından üç ölü bar. Olardan ekisi Qırımdan – Cemil Ğafarov ve Kostântın Şırinğ. Tofik Abdülgaziyev ağır hastalıq sebebinden ölüm telükesi altında buluna ve Rusiye qanunlarına köre azat etilmeli, lâkin makeme qırımtatar adamını apiste qaldırmağa qarar bere.

Nariman Celâlnıñ fikirince, esirlerniñ azat etilmesi Rusiye halqara uquqqa riayet etkeninen bağlıdır.

“Eñ azından, bizler esirlerimizge uyğun şaraitte bulunmağa, olarğa tibbiy yardım köstermege, olarğa lâyıq aş bermege ve olarğa qanun boyunca davranmağa mecbur ete bilemiz… Men siziñ bütün küçüñiz ve imkânlarıñıznı Ukrainağa yardım etmek ve insanlarnı qurtarmaq içün qullanmağa çağıram”, – dep Celân hulâsa çıqardıl.