Qırımda Qurultaynıñ vekili Ruslan Kurtseitovnıñ anası vefat etti

17 Sentâbr 2024

Qırımtatar Milliy Qurultayınıñ bir qaç toplaşuvınıñ vekili, qırımtatar milliy areketiniñ veteranı Ruslan Kurtseitovnıñ anası Elvira Abla 85 yaşında vefat etti.

Elvira Abla 1939 senesi bozarğan aynıñ 10-nda Aqyarda (Sevastopol) doğdı.

1944 senesi mayıs ayınıñ 18-de beş yaşında olğanda bütün qırımtatar halqınen beraber Qırımdan sürgün etildi, qorantası Uralğa tüşti, anda qırımtatarlar – büyükler ve balalar – orman qazma işlerinde çalışa ediler.

Sürgünlik vaqtında Elvira Abla, Nuri ağa Kurtseitovnen evlendi. Kurtseitovlarnıñ eki balası – Ruslan ve Lilâ – doğdı ve büyüdi.

İlk fırsatta Kurtseitler öz Vatanına, Qırımğa, qaytıp keldiler.

Qırımtatar Milliy Meclisiniñ azaları ve Qurultaynıñ vekilleri adından tuvğanları, yaqınları ve dostlarına ağır ğayıp munasebetinen samimiy taziyelerimizni bildiremiz.

Allah rahmet eylesin